ඉන්දීය අභ්‍යවකාශ පර්යේෂණ සංවිධානය (ISRO) විසින් මෙතෙක් අභ්‍යවකාශගත කරනු ලැබූ බරින් වැඩි ම සන්නිවේදන චන්ද්‍රිකාව ඊයේ දියත් කරනු ලැබුවා. Gsat-7R නමින් යුතු මෙම චන්ද්‍රිකාව දකුණු ඉන්දියාවේ ශ්‍රීහරිකෝටාහි පිහිටි ISROට අයත් සතිෂ් ධාවන් අභ්‍යවකාශ මධ්‍යස්ථානයෙන් උඩුගුවන්ගත කරනු ලැබුණේ ඉන්දියාව සතු LVM 3 අධිඅයබර රොකට්ටුව ආධාරයෙන්. එය මෙම රොකට්ටුවේ පස්වැවැනි මෙහෙයුම ද වනවා.
බරින් කිලෝග්‍රෑමි 4,410ක් වන මෙතෙක් ඉන්දියාව විසින් ගුවන් ගත කරනු ලැබූ බරැති ම සන්නිවේදන චන්ද්‍රිකාව වන Gsat-7R, ඉන්දියානු සාගර කලාපය තුළ, ඉන්දීය නාවික හමුදාවේ සන්නිවේදන ආවරණය වර්ධනය කරනු ඇති බව අපේක්ෂිතයි.
දියත් කිරීමෙන් විනාඩි 16කට පසු LVM-3 විසින් චන්ද්‍රිකාව උප-භූස්ථාවර හුවමාරු කක්ෂයක් වෙත මුදාහැරුණා.
Gsat-7R චන්ද්‍රිකාව නිමවා ඇත්තේ 2013 වසරේ දියත් කරනු ලදු ව එරට නාවික හමුදාවේ සන්නිවේදන කටයුතු සඳහා වෙන් කෙරුණු, Gsat-7 (රුක්මිණි) චන්ද්‍රිකාව ප්‍රතිස්ථාපනය කිරීමටයි.
from Vidusara Science Magazine https://ift.tt/Hsrl7Gg
via Magazine
Post a Comment