Euclid අභ්‍යවකාශ යානය ‘Einstein ring’ හෙවත් අයින්ස්ටයින් මුදුව ලෙස හැඳින්වෙන දුර්ලභ සංසිද්ධියක් කැමරා වට හසුකරගන්නට සමත් ව තිබෙනවා.
එම ඡායාරූපය කේන්ද්‍ර වන්නේ NGC 6505 ලෙස හැඳින්වෙන මන්දාකිණියයි. එම මන්දාකිණිය වටා දීප්තිමත් මුදුවක් වැනි මනස්කාන්ත ආලෝක වළල්ලක් සෑදී ඇති අයුරු දැකිය හැකියි. මෙසේ වළල්ලක් ආකාරයෙන් පෙනෙන්නේ NGC 6505 මන්දාකිණියට හරියට ම පිටුපසින්, දුරින් පිහිටී ඇති වෙනත් මන්දාකිණියකින් නික්මෙන ආලෝකයයි. පසුතලයේ ඇති අභ්‍යවකාශ වස්තුවකින් නික්මෙන ආලෝකය පෙරතලයේ ඇති වස්තුවක ගුරුත්වයෙන් වර්තනයට ලක් ව මුදු ආකාර ලෙස දර්ශනය වීම අයින්ස්ටයින් මුදුව ලෙස හැඳින්වෙනවා.
“මේක සුන්දර, අද්විතීය, ප්‍රීතිජනක මෙන් ම වාසනවන්ත සොයාගැනීමක් වුණා.” එක්සත් රාජධානියේ ඕපන් යුනිවර්සිටිහි මහාචාර්ය, තාරකාවිද්‍යාඥ Stephen Serjeant පවසනවා. “මේ තරම් පරිපූර්ණ අයින්ස්ටයින් මුදුවක් අතිශයෙන් ම දුලබයි. මෙයින් කාලාවකාශය ඔස්සේ නැම්මකට ලක් වන පසුපසින් පිහිටි මන්දාකිණිය දැකබලා ගැනීමට ලැබෙනවා.”
The Guardian ඇසුරෙනි.
සෞන්දර්ය සෙනරත්
from Vidusara Science Magazine https://ift.tt/nsh42F3
via Magazine
Post a Comment