ආසියානු යෝධ බඹරා ඇමරිකාවෙන් තුරන් කර දැමේ

Vishwa Alert Service: Join Our Vishwa Magazine Group to get top quality service and be aware of the unknowns of the daily world.

‘මිනීමරු බඹරා’ හෙවත් murder hornet යනුවෙන් හැඳින්වෙන ආක්‍රමණික බඹර විශේෂය ඇමරිකා එක්සත් ජනපදයෙන් මුළුමනින් ම තුරන් කර දමා ඇති බව එරට බලධාරීන් සඳහන් කරනවා. ඒ පසුගිය වසර තුනක කාලය ඇතුළත එම විශේෂයට අයත් එකදු බඹරෙකු හෝ ඇස ගැටුණු බවට වාර්තා වී නො තිබීම මතයි.

Vespa mandarinia යනුවෙන් විද්‍යාත්මක ව හැඳින්වෙන ආසියානු යෝධ බඹරා හෙවත් Nothern giant hornet නමැති මේ බඹර විශේෂයට ‘මිනීමරු බඹරා’ ලෙස අන්වර්ථ නාමයක් පටබැඳී තිබෙන්නේ ඔවුන් අතින් ඇමරිකාවේ වනසතුන්ගේ සහ මිනිසුන්ගේ සෞඛය අනතුරේ හෙළන බැවින්. ආසියාකරය නිජබිම කරගෙන සිටි මේ බඹරුන් ඇමරිකා එක්සත් ජනපදයට පැමිණියේ 2019 වසරේ දීයි. එතැන් පටන් බලධාරීන් උන් එරටින් තුරන් කර දැමීමට උත්සාහ දැමුවා.

ඒ අනුව ඉකුත් 18 වැනි බදාදා වොෂිංටන් ප්‍රාන්ත කෘෂිකර්ම දෙපාර්තමේන්තුව (WSDA) සහ එක්සත් ජනපද කෘෂිකර්ම දෙපාර්තමේන්තුව (USDA) නිවේදනය කළේ මේ බඹර විශේෂය වොෂිංටන් ප්‍රාන්තයෙන් තුරන් කර දැමූ බවයි. ඇමරිකාව තුළ 2019 වසරේ සිට මිනීමරු බඹරුන් වාර්තා වී තිබුණේ වොෂිංටන් ප්‍රාන්තය තුළ පමණයි.

ආසියානු යෝධ බඹරාගේ ඇමරිකානු සම්ප්‍රාප්තියෙන් පසු එරට පරිසර පද්ධතිවල වෙසෙන අනෙකුත් කුඩා කෘමි විශේෂවලට සහ මී මැසි ගහනයට දැඩි තර්ජනයක් එල්ල වුණා. මෙහි දී සැලසුම් සහගත ලෙස බිඟුන් පසුපස හඹා ගොස් ඝාතක ප්‍රහාර එල්ල කරන අයුරු සහ ඉතා ම කෙටි කාලයකින් මී මැසි ජනපද ආක්‍රමණය කරනු ද දැකගත හැකි ව තිබුණා.

Live Science ඇසුරෙනි.

සෞන්දර්ය සෙනරත්