සහරාවේ විල් දියෙන් පිරෙයි

Vishwa Alert Service: Join Our Vishwa Magazine Group to get top quality service and be aware of the unknowns of the daily world.

පසුගිය සැප්තැම්බරයේ සහරා කාන්තාරය පිස හමාගිය බහිර් නිවර්තන සුළි කුණාටුවෙන් පසු එහි ඇතැම් තැන්වල ජලයෙන් පිරුණු විල් මතු වී තිබෙනු චන්ද්‍රිකා ඡායාරූප මඟින් නිරීක්ෂණය කළ හැකියි.

ඉකුත් සැප්තැම්බර් 7 සහ 8 දෙදින තුළ ඇති වූ සුළි කුණාටු තත්ත්නය හේතුවෙන් මිලිමිිටර් 200ට ආසන්න දැඩි වර්ෂාපතනයක් සහරා කාන්තාරයේ ඇතැම් ප්‍රෙද්ශවලට පතිත වුණා. NASA ආයතනයේ පෘථිවි නිරීක්ෂණ මධ්‍යස්ථානය පවසන්නේ මෙලෙස දින දෙකක කාලයක් තුළ සහරාවට පතිත වුණේ වසරක් තුළ එහි පතිත විය යුතු වර්ෂාපතනය බවයි.

අනපේක්ෂිත වර්ෂාපතනය හමුවේ සහරාවේ තාවකාලික විල් ඇති වී තිබෙනු භූ නිරීක්ෂණ චන්ද්‍රිකා ඡායාරූප පෙන්නුම් කරනවා. කුණාටු තත්ත්වයේ බලපෑමට හසු වූ ඇල්ජීරියාවේ සහ මොරොක්කෝවේ ඇතැම් ප්‍රෙද්ශ ද මෙවැනි තාවකාලික විල් ඇති වී ඇති බව Moderate Resolution Imaging Spectroradiometer (MODIS) චන්ද්‍රිකා දත්ත පෙන්නුම් කරනවා.

මේ අතර ඇල්ජීරියාවේ Sebkha el Melah විල ද කුණාටුව නිසා අලුතෙන් පිරී ඇති ආකාරය NASAහි Landcast 9 චන්ද්‍රිකාවේ නිරීක්ෂණයට ලක් වුණා. අගෝස්තු මාසයේ 12 වැනිදා සහ සැප්තැම්බර් 29 වැනි දා ලබා ගත් චන්ද්‍රිකා ඡායාරූප සැසඳීමෙන් දැකගත හැකි වන්නේ කාන්තාර බිමේ කොළ පැහැයෙන් දිස් වන විල වඩාත් පැහැදිලි ලෙස තර වී ඇති බවයි.

මේ වන විට විල වර්ග කිලෝමීටර 191ක් පුරා පැතිරුණු ජල ස්කන්ධයකින් යුතු බවත් අඩි 7.2ක් ගැඹුරින් යුතු බවත් ජෙරුසෙලමේ හීබෘෘ විශ්වවිද්‍යාලයේ ජ්‍යෙෂ්ඨ කථිකාචාර්ය Moshe Armonගේ ගණනයන් පෙන්වා දෙනවා. ඔහු විලේ චන්ද්‍රිකා ඡායාරූප යෙදාගනිමින් විලෙහි හැසිරීම ත්‍රිමාන සිතියමකට ගැනීමට සමත් වී ඇති බව පෘථිවි නිරීක්ෂණ මධ්‍යස්ථානය සඳහන් කරනවා.

2000 වසරේ සිට අද වන විට එහි ඇති ජල මට්ටමට වඩා ඉහළ ජල මට්ටමකින් එය පිරී පැවති අවස්ථා ඇත්තේ දෙකක් පමණයි. 2008 ඇති වූ බහිර් නිවර්තන කුණාටුවක් හේතුවෙන් පිරීගිය එය මුළුමනින් ම යළි වියලි ස්වභාවයක් ගැනීමට වසර හතරක කාලයක් ගත වී තිබුණා.

Live Science ඇසුරෙනි.

සෞන්දර්ය සෙනරත්