Apple හි නවතම iPhone 15 සැප්තැම්බර් 12 වන දින එළිදක්වන විට USB-C ආරෝපණ ලක්ෂ්‍යයක් සහිත වනු ඇතැයි අද බීබීසිය වාර්තා කර තිබේ.
සමාගමේ දුරකථන දැනට Samsung ඇතුළු ප්‍රතිවාදීන් මෙන් නොව ඔවුනටම ආවේනික ලයිට්නින් ඇඩැප්ටරය භාවිතා කරයි.
යුරෝපීය සංගමයේ නීතියකට අනුව පාරිභෝගිකයින්ගේ මුදල් ඉතිරි කිරීමට සහ නාස්තිය අවම කිරීමට දුරකථන නිෂ්පාදකයින් 2024 දෙසැම්බර් වන විට පොදු ආරෝපණ සම්බන්ධතාවයක් අනුගමනය කළ යුතුය.
නවතම iPads වැනි බොහෝ නව Apple නිෂ්පාදන දැනටමත් USB-C භාවිතා කරන නමුත් සමාගම EU රීතියට එරෙහිව තර්ක කර ඇත.
2021 සැප්තැම්බරයේ බීබීසී පුවත් සේවයට ඇපල් බලධාරියෙකු පැවසුවේ, "එක් ආකාරයේ සම්බන්ධකයක් පමණක් අනිවාර්ය කිරීම නවෝත්පාදනය දිරිමත් කරනවාට වඩා නව්‍යකරණයට බාධා වක් වන අතර එමඟින් යුරෝපයේ සහ ලොව පුරා සිටින පාරිභෝගිකයින්ට හානියක් වනු ඇත." යනුවෙනි.
ඒ අනුව වත්මන් iPhone 14 දැන් ලයිට්නින් පමණක් භාවිතා කරන අවසාන Apple උපාංගය වනු ඇත.
තාක්ෂණික දැවැන්තයා යුරෝපීය වෙළෙඳපොළ සඳහා පමණක් ජංගම දුරකථනයේ වෙනස් අනුවාදයක් සෑදීමට ඇති ඉඩකඩ අඩු වුවද, මෙය නිෂ්පාදනයේ ගෝලීය වෙනසක් වේද යන්න පැහැදිලි නැත.
EU ට අනුව, එය පාරිභෝගිකයින්ට "අනවශ්‍ය චාජර් මිලදී ගැනීම් මත වසරකට € 250m [£ 213m] දක්වා" ඉතිරි කරනු ඇති අතර වසරකට ටොන් 11,000 ක අපද්‍රව්‍ය කපා හරිනු ඇත.
(බීබීසී ඇසුරිනි)
Post a Comment